Lesson 5 – 5 Minute me ek Perfect Domain Name Kaise Select kare [examples]
Domain name aapke brand aur business ke bare me logo ko first impression deta hai..
Isiliye ek perfect naam sochna bahut hi important hai.
Is post me share karunga domain name select karne ke 8 बेहतरीन tips :
Aur kuch Doman Name Generator websites ke bare me bhi bataunga jisse aapko ek accha naam research karne me aasani hogi..
Note : India me domain aur hosting buy karne ke liye me personally Ye company recommend karta hu. (Check karo)
Ek jabardast domain name select karne ke liye ye batein dhyaan rkhna chahiye :
1. Chota Naam Rakho
Kyunki yaad rkhne me aasani hoti hai
Ab bada naam rakh loge to log confuse ho jayenge
Jaise Dhamal Movie me wo South Indian Ka naam hota hai naa – chinnaswami muttuswami venugopal iyer….
waise hi apne domain ka lamba naam rkhoge jaise Healthtipsindiabydrhaathi.com to log type hi nahi karenge itna.
Jyada se Jyada 2 words ka rakho
Example : Healthybaba.com
Agar 1 word wala mil jaye to aur badhiya hai, par normally 1 word wale domain kisi na kisi ne pehle hi kharid liya hoga
World ke top Domains agar aap notice karoge to dekhoge sabhi domain name chote hain..
2. Number aur Hyphen Mat use karo
Ise ek example se samjhte hain..
Maan lo apke domain ka naam hai – lyricsthirty3.com
ab gar aap ye kisi ko bataoge to wo inme se kuch bhi type kar skta hai
- lyrics33.com
- lyricsthirtythree.com
- lyricks30three.com
Sunne me to saare ek jaise hi lgte hain, par har domain alag hai…
Isi tarah agar koi hyphen wala domain le liye jaise – herbal-health-gyaan.com
to sabse pehle to ye dekhne me hi bakwaas lagta hai – brand ke liye sahi nhi rhta aisa domain aur log hamesha confused rhenge ki kaunse word ke baad hyphen tha, kahaan par nahi tha…
fir ye sab type kar skte hain :
- herbalhealth-gyaan.com
- herbal-healthgyaan.com
3. Double Letters saath me na ho
Aisa kuch select na karo jisme spelling mistake hone ka chance ho
Example – Successsecrets.com
Isme lagatar 3 s hain [Successsecrets.com] aur likhne waqt spelling mistake ho sakta hai..
isiliye agar 2-3 word ko mila kar agar domain name ban rha hai aapka to dhyaan rkhe pehle word ki ending aur dusre word ki starting letter same na ho..
Jaise Techhacks.com ye Tech aur Hacks se mil kar bana hai…
par Tech end ho rha hai h se aur next word hacks shuru ho rha hai h se..
to agar aapne ye domain le liya..
to apke bahut saare visitors to techacks.com kholenge…aur acchi khaasi blog traffic aap confuson ke karaan gawa doge..
4. Baki Social Media Site par available Ho
Ye to Jahir se baat hai ki aap apne blog ke liye social media account bhi banaoge..
Facebook Page, Instagram Profile aur Youtube Channel..
To jab domain search kar rhe ho to ye bhi dekh lo ki same naam baki social media par available hai ya pehli hi kisi ne le rkha hai..
Iske liye hum 1 Free tool ka use karenge – KnowEM.com
Step 1
Site kholne ke baad enter name here dikh rha hoga wahaan apne Brand ka naam daal do..
Example ke liye maine type kia hai babalyrics aur Search par click kar dia..
Step 2
Koi Step 2 nahi hai…
bas ab aapko puri list dikha dega kaun kaun se social media par available hai
aur neeche Domain Name Availability bhi show karega…
Jaise aap dekh sakte ho babalyrics har jagah available hai..
Ab ise aap be fikar ho kar kharid sakte ho..
Yahaan Click karke Discounted Price me aap domain aur hosting le sakte ho..
5. Sahi Extension Select karo
Sabse pehle .com domain check karo available hai ya nahi..
Uske baad .in
aur agar in dono me se koi available nahi hai to dusra naam search karo..
kyunki baki domain name extension log yaad nhi rkhte…
Ab me kisi ko bolun ki Aajtak ki website par news check karo..
to aap kya karoge google me seedha aajtak.com daloge
aajtak.in ya aajtak.ooo ya aajtak.tk nahi daloge
Kyunki logo ke dimaag me pehle se baitha hai ki website matlab .com hi hoga
Agar apka content accha hai to waise to fark nhi padta ki kya domain name extension hai .com ya .in ya .tk
par jo log direct site open karte hain..wo log .com hi yaad rkhte hain
Jaise maan lo maine Google par search kiya ‘best health insurance plan in India’ aur mujhe koi blog mila jisne bahut acche se samjhaya hai..
maan lo us blog ka naam hai – funfinance.club
is blog ko padhne ke kareeb 3 mahine baad…mere kisi dost ne muhse pucha ki health insurance ke upar koi accha article bata ..
to me use bolunga funfinance dekh le
ab mujhe domain name extension thodi yaad hai..daily 50 blog padhta hu me..kisi tarah brand ka naam yaad hai..
Ab wo seedha jaa kar check karega funfinance.com
aur mujhe gaali dega…abe kuch nahi mila uspe…
Isiliye wahi domain name extension lo naa jo log yaad rkhte hain..
6. Domain Name Generator ka use karo
Ab sab log creative nahi hote ki ek hi baar me jabardast domain naam soch le..
To kya karein ? Domain Name Generator ka use karo
Is website me bas apne blog topic likho aur Search Icon par click karo..ye 1 second ke andar aapko bahut saare us topic se related domain name suggest karne lagega…
Inme se jo aapko accha lage use bas finalize kar lo..
Ye ak aur Domain Name Search Tool hai jahaan aapko apne domain name ke liye bahut saare suggestions mil jayenge..
Simple hai – Apne blog ka topic enter karo – Search par Click Karo..
Aur Neeche ‘Alternative Domain Names’ ke andar dekho bahut saare suggestions dikh jayenge…
Jo accha lage use final kar lo..
7. Copy mat karo
Ye sabsi badi dikkat dekhta hu me India me..
Log copy bahut karte hain
Ek ne apna naam Technical Guruji rakh liya to sab usi tarah ka naam rkhne lage…
Yahaan tak ki logo aur color bhi same same…
- sabse pehli baat – Copy karne walo ko utni hi ijjat milti hai jitni Celebrities ke hamshakals ko milti hai..Matlab ZERO..Anda…
- Dusra Agar aapne kisi ke brand ka naam copy kar lia to aapko aage jaake legal dikkat ho sakt hai…
Matlab aap apne blog ka naam dusri company se milta julta na rkhe
Example – Googleguru.com, aajtakcooking.com etc.
Nahi to kisi ne legal action le liya to aap ki watt lag jayegi..
8. Brand Naam use karo, keywords nahi
Pehle aisa mante the log ki jis topic par blog hai wo keyword apke domain ke naam me hona chahye …
is se blog ranking me fayda milta hai..ye 2014 tak hota tha..
Ab Google ko isse fark nhi padta apke Domain name me keywords hai ya nahi..
Andar content kaise hai wo important hai..
Matlab ab jaruri nahi hai ki guitarlessonscoaching.com lena jauri hai..
Stringsboy.com bhi chalega..
Google bas Brand Authority dekhta hai..ki apke blog par Guitar bajane ke jo article hai wo Top quality ke hai ya nahi..
Agar hain to aapki ranking baki guitar tips wale blog se upar rhegi..
To had se jyada keywords wale naam me time waste mat karo..
Haan par aisa bhi mat karna ki Domain ka naam hai MotivationHindi.com aur andar aap ‘Gulaab ke paudhe ke liye ghar par khad kaise banaye’ likh rhe ho..
Bonus Tip : Agar kuch na samajh aaye to apne naam se hi domain name kharid lo
To bas in sab baton ka dhyaan rakho Doman Name Select karte time..
Buy Domain & Hosting From Here –> Click Me For Discounted Price
Domain Name Suggestion Tool – Click Me to Access
0 Comments